كيف انسق الوان الديكور

زائر

الــــ س ــلام ع ــــليكم

كيفكم ياحلوين ان شاء الله تكونو في احسن حال
اخترت موضوع يكون دردوشي من الدرجة الأولى
نناقش فيه احوال الديكور وخصوصا تنسيق الالوان كم بيت دخلنا ولقينا ست البيت لاعبه في حسبته
وكم بيت دخلنا ولقينا ابداع ولمسات تدلل على صاحبته
الموضوع مو سهل يحتاج مخيله ودراسة وبعد نظر
اذا دعوة لكم لطرح ارائكم وتعليقاتكم من خلال هالموضوع

*
*
*

في البداية حبيت اتطرق لموضوع الدمج
طبعا مو كل لونين اوثلاث يعجبوني احطهم جنب بعض واقول اخترعت صاروخ
نحتاج دقة لمعرفه النتيجة على كامل الديكور والألوان كثير والاختيارات متعددة

والشغله محتاجة بحث وتحري >>> يعني عادي لو تتحولين لكونان
اضاف الى ذلك الاستعانه بصديق قصدي اهل التخصص اذا كان عندك احد دارس تربية فنية
او حتى هندسة ديكور
مايمنع انو نتثقف ونتمعن في موضوع الالوان اللي ممكن يقلب عالمنا
اما مريح واما قلق واما مال امه داااعي

اخترت كم صورة تعبر عن دمج الالوان بطريقة سوفتي وحلوة وبنفس الوقت
تعطي انطباع راااائع وراقي تدووم وتدوووم وتدوووم >>> متأثرة باعلان فيري
هههههههه

هدوء ونظاااافه

مودرن مع تناسق رهيب للالوان

احلى نومة مااتوقع بها كوابيس ابدن

نفسي ابكي

*
*
*

نجي ندردش شوي عن بعض الالوان بالتفصيل
من الالوان اللي درجت الحين في الديكور وانا شفتها بأم عيني وابوها كمان
التفاحي والفستقي وتدرجاته خصوصا في البويه >> اللي هو لون الجدار

ممكن دمجة مع فوشي او زهري يعطي نتيجة رااااايقه ومبدعة
مع لمساااات انوثة

بس لي وقفات مع الصورة من حيث سوء اختيار الستاير
لان هالديزاين مايستخدم الا للمطبخ او غرفة المكتب او الغرف الضييييقه جدا
ومن وجهة نظري المتواضعه كانت الغرفة تحتاج الى ستاير عليها القيمة تعبي الفراغ الحاصل
وتكون بلووون غاااامق بالاضافة الى ان اللون فااااتح جدا فبين ان الغرفة فاضية
مافيها اثاث وهنا نقطة الضعف في الصورة

اللون حلو ويشرح النفس لكن استخدامة سلاح ذو حدين من حيث كسر
حده ووضوح اللون
يعني يحتاج لاثات يغطي من اشعاعاته طبعا بامكانك تستخدمية لكامل المنزل ماعليه محاذير
زي ما بنشوف ممكن لغرفة النوم

ممممم وين الخطأ!!!!!
اكيد بلون الانتريه او الكنب
يعني لاتختاري نفس درجة لون الجدار ابدا قطعا اطلاقا في الاثاث اللي
يغطي اكبر مساحة من الغرفة
وبالنسبة لهذي الدرجة من اللون لازم تكسرينها باللون الاسود او تدرجات البني الخشبي

*
*
*

في بعض الناس تحب اللون الاخضر العادي او الزيتي
وهنا احب اضيف لمعلوماتك انها تناسب غرفه المعيشة اكثر
يعني مومحبذ استخدامها في غرفة النوم او المطبخ
لانها تعطي طابع الغابات او الحديقة
اختاري الاخضر ودرجاته وادمجية مع الاحمر او الاورنج وماتنسي رتوش من الذهبي
وبكذا تحصلي على ديكور فخم وانيق

وللحديث بقيه .......

نكمــــــــــــ ل..

اللون الازرق وتدرجاته بالاضافة الى التركواز اللي يعتبر من تدراجات الاخضر
بس حشرته مع بارت الازرق لانه يتفق معاهم في خاصية وحده اللي هي
محدودية الدمج بمعنى الالوان اللي تدمجينها معاهم معروفة وواضحة مايحتاج

من مميزاته في الديكور يعطي راحه للنظر والخاطر
كل درجة لها استخدامها في الاثاث
بالاضافة الى انها تناسب كل الاوقات والفصول

[size=25]نتكلم عن التركواز بما انه مايقربله [/size]

نلاحظ انه يعطي انطباع بالهدوء في غرفة النوم خصوصا
بس يحتاج لاثاث ناعم بنعومة اللون

وهنا مع الاورانج شي خيااااالي من الوهلة الاولى بس بعدين
العين ترمش من العوار

ماننسى هالدرجة حلوة وروعه وكووووشخة وكل شي بالعالم
وتقدرين تستخدمينها في غرفة الضيوف بكل اريحية >>> ارحميني ياذا التعبير
وماننسى غرفة النوووم

اضافة الاصفر للازرق او السماوي ما يعطي نتايج حلوة
الاحلى يكون مع الليموني او البيج

وماننسى ان التحف والمراكن والمناظر كماليات تساهم في
دمج الالوان بطريقة حلوة اما اذا دمجتي الازرق ودرجاته كل ابوها مع البنك وبكثرة
فابشري بلوك باربي الدلوعه وبكذا تعطين ديزاين طفولي بحت
جايتكم في البارت اللي بعده مع الوان قاتلة
ا

بجد الف شكر انتي بتهتمي بالديكور اوي وانا بحب الديكور جدا ف تسلمي بجد

» كيف انسق الوان الديكور
» انسق الوان لاضافر والملابس
» انسق ازيائي الرمادية
» نهر بخمسة الوان سبحان الله