شوفى بتشركى بالله كام مرة فاليوم والعياذ بالله وانتى مش حاسه

شوفى بتشركى بالله كام مرة فاليوم والعياذ بالله وانتى مش حاسه Arabchathearts

يلا اقرأى سورة الاخلاص تلات مرات عشان تبقى قرأتى القراّن كله قبل ما ندخل فى الموضوع شوفى بتشركى بالله كام مرة فاليوم والعياذ بالله وانتى مش حاسه Arabchathearts

يا بنات الموضوع دة مهم اوى وانا بتمنى من الادارة انها تثبته لأن اغلبنا
بنعمله وماعندناش اى علم بخطورته ولو مفيش امكانية بتمنى انكوا تقيموه يا
بنات عشان يتثبت ويكون فى ميزان حسناتكم بأذن الله

طبعا كلنا يا بنات للأسف من واحنا صغيرين متعودين فى كل حاجه نقول "[ندعوك للتسجيل في المنتدى أو التعريف بنفسك لمعاينة هذا الرابط] والنبى" خاصة اما نبأه بنتحايل على حد فى حاجه .. حاجه منتشرة فى العالم العربى كللله

وفى ناس بقى على مدى العمر دة قالولنا ان [ندعوك للتسجيل في المنتدى أو التعريف بنفسك لمعاينة هذا الرابط]
وكنا ساعات بنحاول نبطلها بس احنا برده مش على درايه بمدى حرمانيتها
وساعات للأسف بنكبر عشان خلاص اتعودنا عليها واعتقادا مننا انها مش ذنب
كبير

طيب ..

حد قالك قبل كدة ان الكلمة دىشرك بالله!!!!!!!!!!!!!!!!!!!!!!!!!

والله انا اول مرة اعرف المعلومة دى ولما عرفتها اتصدمت وقلت اعرفهالكم واطلب منكم انكم تحاولوا تنشروها على قد ما تقدروا

جبت كتيب قريب اسمه [ندعوك للتسجيل في المنتدى أو التعريف بنفسك لمعاينة هذا الرابط]
لـ الشيخ حافظ بن احمد حكمى رحمه الله .. من الكتب اللى بتبقى صغيره دى هو
256 ورقة سعره 2.5 جنيه عشان لو عايزين تجيبوه .. كتاب ما شاء الله رائع

وانا بقرأ فيه لقيت المعلومة الرائعه دى

ودة نصها : ..

صفحة 32 السؤال 46 بيقول "ما هو [ندعوك للتسجيل في المنتدى أو التعريف بنفسك لمعاينة هذا الرابط]الاكبر؟"

الاجابه : هو اتخاذ العبد من دون الله ندا يسويه برب العالمين يحبه كحب
الله ويخشاه كخشيه الله ويلتجئ اليه ويدعوه ويخافه ويرجوه ويرغب اليه
ويتوكل عليه او يطيعه فى معصية الله او يتبعه على غير مرضاة الله ((ومستدل
عليه بأيات قراّنية عديدة))

طبعا دة الشرك اللى كلنا نعرفه وما نعرفش غيره ..

نيجى بقى للسؤال اللى بعده !!

صفحة 34 السؤال 47 يقول "ما هو الشرك الاصغر؟"

الاجابة : هو يسير الرياء الداخل فى تحسين العمل المراد به الله تعالى
قال النبى صلى الله عليه وسلم "اخوف ما اخاف عليكم الشرك الاصغر" فسئل عنه فقال: (الرياء) ثم فسره بقوله صلى الله عليه وسلم " يقوم الرجل فيصلى فيزين صلاته لما يرى من نظر الرجل اليه "

ومن ذلك الحلف بغير الله كالحلف بالاّباء والانداد والكعبة والامانة وغيرها قال صلى الله عليه وسلم "لا تحلفول باّبائكم ولا بأمهاتكم ولا بالأنداد"

وقال صلى الله عليه وسلم "لا تقولوا والكعبة ولكن قولوا ورب الكعبة"

وقال صلى الله عليه وسلم "لا تحلفوا الا بالله"

وقال صلى الله عليه وسلم "من [ندعوك للتسجيل في المنتدى أو التعريف بنفسك لمعاينة هذا الرابط]بالامانه فليس منا"

وقال صلى الله عليه وسلم "من حلف بغير الله فقد كفر وفى روايه اشرك"

ومنه قوله ما شاء الله وشئت قال النبى صلى الله عليه وسلم للذى قال له ذلك "اجعلتنى لله ندا بل ما شاء الله وحده"

طبعا الكلام واضح انه كبير ولازم يتعمله الف حساب مهيش حاجه سهلة زى ما ناس
كتير فاكرة ربنا يكفر عننا ويتوب علينا ويهدينا بأذنه يا رب

شوفى بتشركى بالله كام مرة فاليوم والعياذ بالله وانتى مش حاسه Fe3503900flb5

والرياء يا بنات لـ الناس اللى ما تعرفهوش ان
الواحد يحاول يظهر انه متدين قدام الناس وانه بيتقن الدين عشان الناس
يقولوا عليه انه بتاع ربنا وهو اصلا غير كدة وبيحصل فى الموضوع دة حاجات
عجيبه الواحد مش بيتخيل ازاى الناس بتعمل كدة ..!

هحكى القصة دى كمثال وللعظة ايضا ..

اتحكالى عن واحدة كان متقدملها عريس كان كل ما يبقوا الاهل قاعدين سوا
والاذان يأذن يقوم يتنطر ويسيبهم وينزل يصلى وفضل عالحال دة لحد ما اتجوزوا
واكتشفت انه مش بيصلى فى الجامع ولا حاجه دة كان بينزل يروح فى اى حته
عشان اهلها يقتنعوا انه متدين ويتجوزها عشان هى متدينه!!!! قولوا: .. ((لا
حول ولا قوة الا بالله))

انا كدة خلصت موضوعى وبطلب من الادارة كمان مرة انها تثبته عشان نحاول ننشر
المعلومات دى بأى طريقه لأنى والله ساعات فى مواضيع ببقى مش هدخلها
وبدخلها بس عشان العنوان بيبقى مكتوب فيه والنبى عشان اقول للعضوة ان دة
حرام

يا ريت كمان ودة اقتراح للأدارة المواضيع اللى مكتوب فيها كدة فى عنوانها
او فى داخلها الكلمة دى او اى حلفان بغير الله يتم تعديلها يا اما تتحذف
لحد ما العضوات ياخدوا بالهم من حاجه زى كدة ونبقى بكدة نشرنا المعلومة
بقدر المستطاع جعله الله فى ميزان حسناتكم

سبحان الله والله اكبر والحمد لله ولا اله الا الله ولا حول ولا قوة الا بالله
اللهم صل وسلم وبارك على سيدنا محمد عليه افضل الصلاة والسلام
اللهم انا نستغفرك مما نعلم ومما لا نعلم ومما انت به اعلم
اللهم انك عفو كريم تحب العفو فاعف عنا
ربنا انا ظلمنا انفسنا ظلما كثيرا وان لم تغفر لنا وترحمنا لنكونن من الخاسرين
اللهم انا نعوذ بك من الموت فجأه ونسألك حسن الخاتمه والموت على رضاك يا ارحم الراحمين
اللهم انا نسألك قبل الموت توبة وعند الموت شهادة وبعد الموت مغفرة ورحمه
اللهم ادخلنا مدخل صدق واخرجنا مخرج صدق واجعل لنا من لدنك سلطانا نصيرا
اللهم ّاتنا فى الدنيا حسنة وفى الاخرة حسنة وقنا عذاب النار
اللهم قنا عذابك يوم تبعث عبادك وحاسبنا حسابا يسيرا

ربي يبارك فيكي ويجزيكي خير ع الموضوع وانا عارفة كده لان من حلف بغير الله فقد اشرك ربنا يعافينا

والف شكر ع الموضوع

شوفى بتشركى بالله كام مرة فاليوم والعياذ بالله وانتى مش حاسه 2345531956

شوفى بتشركى بالله كام مرة فاليوم والعياذ بالله وانتى مش حاسه 2345531956